NAKAKALUNGKOT NA KATAPUSAN?


Maganda ang mensahe na dala ng sikat ng araw na tila ang hatid ay kapanatagan. Araw ng pagpasok sa paaralan upang abangan ang bisita na magtitingin ng kaayusan at pagsunod sa mga tinalagang pamantayan. Nakakapagod na nakaka-antok ang dala ng malamig na kapaligiran. Dumating ang taong handang magsilbi na walang inaantay na kapalit upang lagyan ng laman ang paskilan dahil kasama ito sa mga susuriin ng bisita. Hindi mawawala ang pasasalamat namin sa kaniyang pagtanggap ng hamon. Puyat at pagod ang kanyang ibinibigay upang mapagsilbihan ang sintang paaralan.

Natapos na ang pagdalaw at kinakailaangan bumababa sa kwartong pulungan upang ibahagi ng mga bisita ang kanilang nakalap sa ginawa nilang pag-iikot. Masaya ang lahat dahil naging maayos ang naging komento ng mga bisita at nagbahagi rin ng mga kailangang pagkahusayan pa. 

Matapos ang pagpupulong ay umakayat na kami. Nakita namin ang isa pang tao na patuloy ang pagtulong at pagbabahagi ng kanyang serbisyo ng walang inaantay na kapalit. Nagpulong ang mga nasabing mga tauhan at ang guro para sa gaganaping aktibidad kinabukasan. Napagkasunduan ang lahat ng mga kailangan at ang mga gagamitin na mga bagay. Andiyan din ang mga papremyo na kailangang bilihin upang makapagbigay ng aliw sa mga dadalo. Matapos ang pagpupulong ay nanonood ng palabas ang mga tauhan na nagpapakita ng paghihirap upang makapasa sa isang asignatura. Hindi nagtagal ay nagligpit na upang pumunta sa susunod na destinasyon.

Ala-sais ng hapon ng tinungo ang palabas ng paaralan at sumakay ng pampasaherong dyip na maghahatid sa patutunguhan. Nang nandun na ay nagkasundo na unahin ang pagwi-withdraw ng pera at isununod ang pamimili ng mga pampremyo at ang ambag para sa naka-iskedyul na gawain. 

Matapos ang pamimili ay nagtungo sa bilihan ng libro upang tingnan ang mga makabagong titulo ng aklat na may temang legal thriller na sinulat ng sikat na manunulat na si John Grisham. Lahat ng nasabing titulo ay nabasa na at wala ng bago na dahilan ng pagpapasya na kumain na ng hapunan. Pansit at kanin na may kasamang mainit na sabaw ang napagpasyahang kainin habang nag-uusap ng masasayang pangyayari sa paaralan. Hindi maiiwasan ang mga kwentong hindi nakasasaya na tila nagdulot pa nga ng agam agam. Ang kontrabida nga ba ng kwento ang nakita? 

Nagkaroon ng agam-agam ang mga tauhan na tila nagdala sa hindi inaasahang mga salita na tila bumaon sa puso at nagbigay ng madaming tanong sa isipan, na hindi agad kayang solusyunan. Kinimkim at pinaka-isip-isip kung ano nga ba ang pagtatapos.

NAKAKALUNGKOT NA KATAPUSAN nga ba ang gigimbal sa kwento o patuloy ang saya na dulot ng nabuong pagkakaibigan?

Masakit kung matuloy man ang katapusan, pero baka ganun talaga?

Pero handa pa rin akong magpatuloy!


-Your Guiding Star

Comments

Post a Comment

Popular posts from this blog

Calling?

Image
  Noong ako'y nagsimula sa bagong kabanata ng aking buhay sa bagong trabaho na ipinagkaloob ng Maykapal, dahil dumating ito ng hindi inaasahan. Nagsimula sa isang mesahe na tinatanong ako kung gusto ko bang subukang mag-turo at nasabi ko na lang na "Sige po subukan kong magpasa sa inyo ng aking curriculum vitae." na wala sa kaisipan na matatanggap ako, dahil subok nga lang. Kasalukuyan din naman akong nagtratabaho sa aking permanenteng trabaho. Sa madaling sabi ay nag-demo ako, nakapasa sa interview, at naipasa lahat ng mga kailangan. Yes! Ito talaga ang first choice ko dati ang maging isang guro. Pero hindi naman pumasok sa isipan ko na makukuha ko ang aking gusto kahit ibang kurso ang natapos ko. Baka na ako'y inihanda ng sobrang tagal upang makamit ko ang gusto ko. Sa madaling salita ay nakuha ako at nagsimula bilang part-time. Madaming nasungitan, may mga napaiyak, mga sinubok, natakot, at kung ano-ano pang karanasan sa akin ng aking mga estudyante pero ito ay pag...
Read more

Sorbetes

Image
  Marso lagpas ng kalahati ng buwan naging busy ang lahat dahil sa napaka-tagumpay na mga gawain. Pagod, uhaw, init, puyat, at iba't iba pang nararamdaman dahil ginugol ang lahat ng lakas upang maisakatuparan ang minimithing tagumpay. Umakyat ng hagdan, hila ang mga paa dahil sa pagod pero hindi alintana dahil hindi naman nag-iisa. Baon ay ngiti, pawis na tila pumapatak na lamang ng kusa, at magandang kwento ang bitbit at nararamdaman sa bawat baitang bago makarating sa paroroonan.  Tubig ang katapat at malamig na hangin na dala ng pinagsamang bukas na aircon at electric fan na tila nagdala ng ginhawa sa aking nararamdaman. Hindi natatapos sa ganun ganun na lamang, kailangan nating alamin ang mga magagandang nangyari, hindi magandang nangyari, at ang mga dapat pang husayan na bahagi ng natapos na aktibidades. Ibig sabihin pagpupulong pagkatapos ng nasabing tagumpay upang mas mapahusay pa ang mga susunod na gagawing mga gawain. Habang nagpupulong ay kumakain ng biscuit upang ma...
Read more

PAYAPANG ISIPAN

Image
  Madilim na kalangitan ang tila nakiki-ayon sa lungkot na dala ng panahon. Tila nagpapahiwatig na wala talagang permanenteng kasiyahan. Mga pakiramdam na lungkot na tila pahina ng libro na nagbubukas tuwing gusto mo nang buksan. Hindi madali ang ganitong pakiramdam na naging daan upang umiwas. Mga Linggong hindi magpadala ng mga mensahe at mga kwentuhang nakatatawa na nakakapagbigay ng saya sa bawat isa kahit anong oras pa. Mga panahong nagsasama para kumain ng kung ano-ano upang maituloy lang ang usapan. Ano nga ba ang nagbago? Sino ba ang may kasalanan? Aaminin ko na ako ang umiwas dahil natatakot ang isip ko na panandalian lang ang lahat. Mga agam-agam na magdadala ng lungkot o labis na pighati na nagpapa-alala ng iyong paglisan. Marahil ay naramdaman mo at naging kaswal na lamang ang lahat. Sinusubukan ko naman, pero sa ngayon pipiliin ko muna ang payapang isipan. Nawa'y maunawaan mo sa pagdating ng panahon, kung bakit parang pinunit ko ang ibang pahina ng ating libro upang hi...
Read more